.png)
Ons dogterskrieketspan het op Woensdag, 26 Augustus 2026, op eie bodem teen Hoërskool Frikkie Meyer kragte gemeet in ’n spannende T20-krieketwedstryd.
Ons het die loot gewen en besluit om eerste te boul. Ons boulers het vroeg druk toegepas en Frikkie Meyer tot 73/4 in hulle 20 beurte beperk. Izelke Oosthuizen het met die bal uitgeblink en ’n uitstekende 3 paaltjies vir slegs 5 lopies in haar vier beurte geneem, terwyl Danielle Wessels ook ’n paaltjie ingepalm het.
Met die kolf het Izelke Oosthuizen met 19 lopies die hoogste telling vir ons aangeteken. Ten spyte van ’n vasberade poging van ons dogters, het ons dogtersspan uiteindelik 72/9 in hulle 20 beurte aangeteken – net een lopie kort van Frikkie Meyer se telling.
Die wedstryd het uiteindelik aan Hoërskool Frikkie Meyer behoort, wat met ’n enkele lopie geseëvier het. Die uitslag weerspieël hoe ongelooflik naby die wedstryd was, met albei spanne wat tot die heel laaste bal geveg het.
Ons is trots op elkeen van ons dogters wat hulself uitstekend van hulle taak gekwyt het en tot die einde aangehou veg het. Een lopie het die verskil gemaak, maar die vasberadenheid, spanwerk en veggees wat op die veld gewys is, is iets waarop ons as Dallers met trots kan voortbou.